Un lugar onde seguir aprendendo e compartir as experiencias da escola
miércoles, 23 de febrero de 2011
O libro dos soños: voamos con Borges!
Unha das actividades contidas no proxecto de fomento do uso do galego é o Libro dos Soños, título homónimo da obra de Jorge Luis Borges, o excelso escritor arxentino. Pequenos textos adaptados ao galego e á idade do noso alumnado son o punto de partida para ler, escribir, identificar os nomes, os adxectivos, sustituír unhas palabras por outras, e por suposto, e tan importante, para imaxinar. Nesta ocasión eliximos o Soño Infinito de Pai-Yu, e deixamos que as nenas e nenos imaxinaran e debuxaran ese soño:
martes, 22 de febrero de 2011
Entroido: o proceso
Ao contrario que na novela de Kafka do mesmo nome( O proceso), aquí ninguén é perseguido, máis ben ao contrario. Perseguimos unha estrela de mar, ou varias. Hoxe seguimos a elaborar os disfraces, logo de que as nenas e nenos os recortaran na casa coa axuda das familias.
Aínda nos quedan os das medusas e os dos Neptunos, as cancións...
Polo momento, deixámosvos aquí algúns momentos do proceso:
Untitled from Lois Pérez on Vimeo.
viernes, 18 de febrero de 2011
Quero meterme no mar! Primeiros ensaios para o entroido
Xa que imos ir disfrazados de medusas, estrelas de mar e Neptunos, traémosvos unha canción para o Entroido con estes motivos. Aquí vos deixamos unha humilde composición que fixemos na escola, pero agardamos que brile co noso canto cando chegue o Entroido. Un apunte, nenas e nenos, cando berremos, temos que facelo ben, pois incluso berrando podería quedarnos ben. Temos que seguir practicando. Para escoitala:
viernes, 11 de febrero de 2011
Mariluz e Tolín, os avós de Yuliana, contáronnos!
Por algún problema técnico, ou máis ben por incompetencia técnica, tardamos tempo de máis en achegar o vídeo da visita dos avós de Yuliana á escola. Mariluz e Tolín faláronnos dos seus recordos e dos xogos da súa infancia. Mariluz falounos do que ela aprendía na escola cando era nena, tamén dos xogos; Tolín falounos dalgunha trasnada e da súa experiencia coas monxas na escola, e tamén do seu pasado como xogador do Deportivo. Os nenos e nenas participaron con máis atención desta volta, cecais porque xa van entendendo mellor como establecer un diálogo con persoas que habitualmente non están na escola.
A calidade do vídeo non é boa, pois só puidemos gravar nesta ocasión co móbil. Agardamos que nas vindeiras citas a calidade dos vídeos sexa maior, e dámoslle as grazas aos avós de Yuliana pola súa visita:
Untitled from Lois Diaz on Vimeo.
A calidade do vídeo non é boa, pois só puidemos gravar nesta ocasión co móbil. Agardamos que nas vindeiras citas a calidade dos vídeos sexa maior, e dámoslle as grazas aos avós de Yuliana pola súa visita:
Untitled from Lois Diaz on Vimeo.
Suscribirse a:
Entradas (Atom)