jueves, 21 de octubre de 2010

Hoxe naceu o blogue da escola de Bemantes!


Benvid@s! Dende hoxe xa esta dispoñible este novo espazo virtual onde poderemos compartir co alumnado e coas familias algunhas das actividades que se veñen desenvolvendo ao longo do curso. Agardamos que participedes na vida do blogue cos vosos comentarios. Para realizalos, só tedes que entrar en comentarios e escribir o voso. Tamén o alumnado pode escribir os seus comentarios coa axuda dos seus maiores.
A escola ven de elaborar e presentar perante a Consellería de Educación un proxecto de fomento do uso do galego titulado AS PALABRAS QUE SOÑAN CO VENTO, que podedes consultar aquí(para velo en pantalla completa premede en Full na parte inferior do cadro):
Para a vindeira semana celebraremos na escola a festa do Samaín, festividade da que vos iremos amosando algunhas cousiñas. Unha alumna de Educación Infantil apareceu cunha harmónica e decidimos aproveitar a sorpresa e introducila nunha das cancións que elaboramos para o Samaín. Neste vídeo, outro alumno de Infantil busca a melodía na harmónica, inspirándose no mar ao lonxe, ao tempo que un espontáneo mais os nenos e nenas comezan a familiarizarse con parte da letra da canción:

Comezamos os ensaios do Samaín: na procura da melodía from Lois Pérez on Vimeo.




O blogue botou a andar!

2 comentarios:

  1. Begoña de Bernardo Miño22 de octubre de 2010, 10:40

    Dende a nosa familia saudamos con entusismo e satisfacción esta iniciativa de fomento do uso do galego. Consideramos que é unha mágoa que se desaproveite o potencial que representa posuir dous idiomas de xeito gratuito, que nos conectan cunha chea de culturas no mundo. Dende Angola a Brasil, dende Galiza a Cabo Verde podemos ler na nosa propia língua cantidade de autores, escoitar cantidade de músicas... A cultura é a nosa riqueza como persoas.

    ResponderEliminar
  2. Agrádanos que vos guste, e anímanos a desenvolver o noso traballo. Agora queda por diante ir dando pasos para levalo adiante e sobre todo, que as iniciativas se traduzan en aprendizaxes que enriquezan a educación do alumnado. Moitas gracias por participar.

    ResponderEliminar